حكاية يا آنسه بتعملي ايه علي الشجرة بقلم شيماء صبحي

طلعتي علي الشجرة يا رنا علشاني 
منها وانا بضحك اكيد علشان حبيب خالتو طبعا 
ضړبتني مياده في بطني بضحك طب يلا يا اختي قومي زي الشاطره كدا اغسلي المواعين علشان جوزي لما يجي ميبقاش ورايا حاجه وافضالو 
وغمزتلي بصيتلها وضحت بخجل! انا مش فاهمه هوا مستحملك علي ايه ربنا يكون في عونه 
دخلت وانا بضحك وبدات اغسل المواعين وانا بغني ومندمجه وبعد ما خلصت خرجت لقيت مياده اختي في تاسع نومه متستغربوش هيا فعلا كانت في تاسع نومه لان مياده اختي نومها تقيل جدا وحاولت اعدلها وشلت كل حاجه من حواليها وهيا نامت حسيت اني عاوزه انام انا كمان ودخلت اوضه الاطفال الي بنام فيها ومسكت تلفوني اراجع فيه رسايل الدفعه وملقتش اي حاجه جديده غمضت عيني ونمت 
وعدا وقت معرفش قد ايه بس صحيت علي صوت مياده اختي وهيا ماسكه فستانين وبتنادي قممي يا رنا اختاريلي فستان 
كنت مفكرة اني بحلم ومردتش عليها بس هيا هزتني وقالت قومي يا رنا بق اختاريلي فستان 
فتحت عنيني نص فتحه وبصيت وفعلا كانت ميادة اختي واقفه ايوا هيا دي ام كرش دي اختي ماسكه فستانين وبتقولي اختاري 
قومت پصدمة وانا شايفاها واقفه وهيا مبسوطة وسالتها خير يا دودو بتصحيني ليه كدا!! 
مياده اصل صاحب الشغل بتاع رحيم جوزي عامل حفله لكل الموظفين وقالهم يجيبوا الي يحبوهم من عائلته بس معادا الاطفال فرحيم لما قالي قولتلو نروح نغير جو اي رئيك تيجي معانا قولت برفض لا لا مليش مزاج
مياده مني قومي يارنا بطلي كسل وبعدين انتي بقالك كتير نايمه وانتي عندك لبس هنا كتير تقدري تلبسي اي فستان اهو كلهم حلوين عليكي وتعالي نغير جو! 
بصيتلها بتفكير وبعدين هذيت راسي بمعني اوك!! 
وقومت وبعد ما اختارتلها فستان طبعا دخلت مياده تلبسو وانا فتحت الدولاب ولفيت كام فستان ليا كنت نسياهم عند مياده هنا بدات اختار واحد ولفت نظري فستان رقيق كان بتاع مياده اختي قبل الجواز كان الفستان دا عاجبني جدا لدرجه اني اخدته من مياده وقولتلها ان هتيجي منسابه البسو فيها وهيا طبعا ادتهالو علشان انا وهيا اصحاب اكتر من اخوات لدرجه اني بعيش هنا اكتر مابعيش في بيتنا والصراحه رحيم جوز مياده مبيضايقنيش ولا بحس انو متضايق لانو ابن خالتي وكان بيحب مياده من وهما صغيرين وطبعا بفضلي كنت بقنع مياده بيه وانو حلو وبيحبها لحد اما خطبها سنه وبعدين اتجوزو وكانت هديتي ليهم اني هاجي اقعد معاهم في اي وقت ورحيم طبعا بيعتبرني اختو الصغيره وبيعاملني كويس والحق يتقال عمرة مشتكي خصوصا لما كسرتلو الساعه بتاعتو الغاليه
خلاص خلصت لبس وبدات اظبط الطرحه وخرجت لماياده الي كانت لابسه فستان واسع بس كان لايق عليها جدا لان ملامحها هاديه وطفوليه قربت منها وانا بحضنها بفرحة طالعه زي القمر 
مياده بصتلي پصدمة وضحكت
انتي بجد لبستي الفستان دا ولا انا بيتهيألي!! 
ضحكت وانا بلف بالفستان وقولت اخيرا يا دودو لبستو 
رن جرس الباب وكان رحيم جوز مياده اول ماشافنا كان مبهوروقال وهيا مياده بحب اميرات يا عالم اقسم بالله 
بصلي وقالي اي الحلاوة دي يا رورو 
ضحكت وانا بقولو بنتعلم منك يا جميل 
ضحكنا وبعدين رحيم اخد ايد مياده وساعدها تنزل السلالم بالراحه وبعدين انا اتاكدت اني قفلت الشقه
حلو وبعدين نزلنا وكان رحيم جايب تاكسي وركبنا فيه كلنا وكنت مبسوطه لاني بقالي كتير مغيرتش جو 
عدا وقت مش كتير وبعدين وقفنا قدام قصر كبير كان شكلو يجنن بصينا كلنا بانبهار وصلينا علي النبي طبعا وقولت لرحيم بفرحه معقول دا بيت صاحب الشغل 
ضحك رحيم وهوا بيقول ايوا شوفتي بق يا رنا العز اللهم بارك 
نزلنا من العربيه ورحيم حاسب السواق ونزلنا وقربنا من القصر وكان فيه حرس واقفين طلبو من رحيم كارنيه الشغل وادالهم رحيم وقال ان مياده مراته وانا اختها هز الحارس راسو وقال اتفضلوا
دخلنا كلنا وكنا مبهورين اللهم بارك اي الحلاوه دي 
كانت الجنينه الي معمول فيها الحفلة كبيرة جدا ورحيم كان بيسلم علي زمايلو وكنا بنتعرف علي بعض كلنا وكنت مبسوطه جدا وقولت لمياده كويس انك صحتيني اجي اغير جو بجد المكان تحفه 
مياده هزت راسها بفرحه عندك حق يا رنا المكان تحفه