ازاي أطلقت بسبب طريقة كلام جوزي كتابة لميا شاهين
ازاي اتطلقت بسبب طريقة كلام جوزي
تقول صاحبة القصة
جوزي بيكلمني كأني طفله عندها 5 سنين.. بعد 7 شهور من جوازنا.. جوزي بدأ يغير طريقته في الكلام معايا.. بيستخدم صوت رفيع.. بيتكلم ببط.. وبيضغط ع الحروف.. وكأنه بيشرح الألوان لطفل رضيع..
احنا كنا مع بعض أربع سنين قبل ما نتجوز وعمره ما أتكلم بالطريقة دي.. بس في مرة كنت بتكلم معاه وقولت إن في حاجة أنا مش فاهماها ف نظام القرض العقاري بتاع بيتنا..
وهو بدأ يشرح ماشي يا كتكوته.. بصي البنك الكبيييير ادانا فلوث.. واحنا طبعا لازم لما حد يدينا حاجة نرجعاله صح.. تعرفي تقولي بنك يلا قولي ورايا بببباااااانك
كان بينطق الحروف وكأني أول مرة أسمع الكلمة ومعرفش يعني ايه فلوس وبنك.. أنا معايا درجة الدراسات العليا.. بشتغل في معمل كبير.. بس هو شايف إنه من الطبيعي يشرح لي المصطلحات الأساسية في الحياة وكأني لسه بتعلم أ ب..
كرر نفس الطريقة مرة تانية لما معرفتش أشغل ماكنه القهوة الجديدة.. قال يا نونوووو.. الماكنه الكبيرة الوحشه خوفتك تعالي يا حلوه.. تعالي أوريكي بنشغلها ازاي بصي.. شايفه الزرار ده.. اللي هنا ده.. تضغطي عليه.. تدوسي جامد جامد جامد بصباعك الثغنن.. يلا يا حلوه.. جربي.. دوسي ع الزرار.. شطووووره.. اديها سهله أهو.. ذكيه خالث
وبعدها سقف وكأني مشيت أول خطوة ليا في الحياة.. قولت له ما كفاية بقى يا لوجي.. بطل
سألني أبطل ايه
قولت له بطل تكلمني بالطريقة دي
قالي انهو طريقة ده انا بدلعك
قولت له انت بتكلمني وكأني عيله صغيرة
ضحك وقال انا بس بحاول أبقى صبور معاكي.. انتي عارفه إنك مش بتعرفي تستوعبي الي بيحصل بسرعة
بعد أسبوعين كنا في عشا مع زميله ومراته من الكلية.. كانوا بيتكلموا عن الانتخابات.. كنت بحاول أقول حاجة عن مناظرة شوفتها..
قبل ما أنهي كلامي جوزي طبطب على راسي وقال يا عسوله.. السياسه ثعبه خالث خالث على مخك الثغنن.. فيها كلام كبير أكبر منك.. وممله خالث.. دي حاجات كبار.. ايه رأيك تكلميهم عن العصفورة الحلوة اللي شوفتيها امبارح.. انتي حبيتي العصفورة ثح
صاحبه فضل باصص له وهو مبرق.. ومرات صاحبه بصت في اتجاه تاني عشان الموقف كله كان محرج جدا..
في الحفلة بتاعة شركته.. المدير بتاعه سألني عن شغلي.. كنت لسه بشرح عن مشروع شغاله فيه لما جوزي قاطعني وقال بتشتغل في معمل.. بتعمل حاجات مهمه خااااالث بأنابيب الاختبار والحاجات العلمية.. صح يا قطقوطه.. بتعرفي تساعديهم في الشغل.. وهما محظوظين خالث انك معاهم
حسيت إنه بيتكلم بنفس الطريقة اللي الناس بتكلم بيها كلب الجولدن ريتريفر.. المدير ضحكته جمدت على وشه واستأذن فورا ومشي من قدامنا..
بدأت أعمل له قائمة على تليفوني.. كل مرة عملها كنت بدونها..
12 أكتوبر.. شرح لي معنى السلطة عشان سألته لو عندنا خس..
19 أكتوبر..
