ازاي أطلقت بسبب طريقة كلام جوزي كتابة لميا شاهين
رسم لي صورة مثلث عشان يوريني شكل شريحة البيتزا..
5 نوفمبر.. طلب مني اعد لحد 10 بعد ما سرحت وانا بعد كام طبق محتاجينه للعزومه..
بس كل ده ماكنش مهين أد الإهانة اللي حسيتها في الحفلة بتاعة شركتي.. كنت بتكلم مع مديرتي عن النتايج اللي وصلت لها في البحث الأخير..
لما جوزي قاطعني وقال يتتتي كميلة.. بتحاول تستخدم كلمات البنات الكبيرة.. حلوه خالث خالث.. خلاص يا ثغنن خلينا نسيب الناس العلما بجد يتكلموا في الشغل.. مينفعش نتدخل يا قطقوطه.
مديرتي وشها بقى أحمر لفت وشها بعيد عنه وطلبت مني أكمل شرح النتايج.. بس مقدرتش.. مقدرتش أتكلم من الاحراج.. وقفت ومنطقتش.
بعدها بشهر ماما جت عشان تتعشى معانا.. كنا بنتكلم عن فرح أختي.. ماما اقترحت إني أنا وهي نجيب هدية واحدة سوا.. اختي كان نفسها في خلاط غالي.. ف نجيبه سوا.. وافقت لأنها فكرة كويسه..
جوزي كان قاعد وفجأة قام وقف وقال ماشي.. ثانية واحده.. بصي يا نونو خلينا نحسبها بالراحة عشان عقلك الثغنن ميتلخبطش.. لو الخلاط سعره 200 دولار وانتوا اتنين.. يبقى كل واحد هيدفع كام
رفع صبعين عشان يشرح.. وقال هنقسمهم اتنين.. يبقى كل واحده فيكم هتدفع 100 دولار بس أمي بان عليها إنها مش فاهمه اللي بيحصل.. وحرفيا وشها مبقاش فيه ألوان..
طلبت منها تمشي قبل ما يهبل ف الكلام ويحرجني اكتر.. وهي مشيت فعلا لأن كل كلامه كان مستفز ومحرج جدا
بعد ما ماما مشيت قولت له تصرفاتك بقت بشعه
رد ايه اللي بشع بالظبط.. انا بساعدك تتعلمي
قولت له انا مش محتاجة اتعلم أسس الحساب
قالي لاااا يا حلوه متزعليش في ناس بيحتاجوا غيرهم يشرحوا لهم.. مش كل الناس أذكيا زي بعض.. ومفيش مشكلة خالص أوعي تتضايقي.. انتي شطوره في حاجات تانيه.. يعني انتي حلوة وأموره.. وساعات بتعرفي تطبخي
رديت عليه انا عاملة دراسات عليا
طبطب على كتفي وقال ما انا عارف إنك روحتي المدرسة يا حلوه.. اد ايه انتي شجاعه.. انتي بتحاول واشطر شطوره
دخلت أوضة النوم وبدأت أحضر شنطه.. جه ورايا وسألني رايحه فين
قولت له بعيد عنك
رد في ايه متكبريش الموضوع كده.. انا بعاملك حلو وبالراحة.. حد غيري مش هيبقى صبور كده معاكي
سحبت شنطتي ومشيت وتاني يوم طلبت الطلاق.. لما وصله الورق كان واضح جدا إنه مش مستوعب اللي حصل.. وساعتها بعت لي رساله..
بيقول فيها هو انتي تعرفي يعني ايه طلاق ده قرار كبير خالص عليكي يا نونو.. محتاجاني أشرح لك الموضوع بكلمات بسيطة قبل ما تعملي حاجة ممكن ټندمي عليها
بعد 8 شهور اتطلقنا وكل حاجة خلصت..
احاديث_تيكتوكيه
