اتجوزت أنا وسلفتي في نفس اليوم

مش راضي وعقلي مش متقبل 
جربت كتير أحمل بس كل مرة مفيش نصيب رحت لدكاترة جربت أعشاب قرأت قرآن وكل مرة برجع مکسورة وفي لحظة ضعف خدت قرار غلط كلمت واحدة صاحبتي شغالة في صيدلية طلبت منها دواء وبدأت أحطه في أكل سلفتي يوم في العصير ويوم في الحلو وكل مرة بدعي ربنا إنها تجهض 
ولما فعلا فقدت الحمل افتكرت إني كده ارتحت لكن لأ ما حصلش اللي كنت متخيلاه 
الناس زعلت أكتر عليها الكل بقى يواسيها وحماتي قالت قدامي دي غالية علينا كان نفسي في أحفاد منها وأنا أنا كنت حاضرة وغايبة
حتى
لما ربنا كرمني بعد كده وحملت محدش فرح بنفس الشكل حتى جوزي قال لي أهم حاجة تقوم هي بالسلامة كنت فرحان قوي ليهم 
كنت كل يوم بصحى وأنا تايهة حسيت إن قلبي بقى فاضي وإن سلفتي مش سبب مشكلتي أنا السبب أنا اللي غيرتي خدتني في سكة غلط وخلتني أعيش أدور على الحب بطريقة مؤذية بصيت لنفسي وقلت هو أنا فعلا كنت عايزة أئذيها ولا كنت پصرخ من جوايا إني محتاجة حب 
رجعت أصلي وقررت أطلب السماح من ربنا وبدأت أعيد حساباتي 
رحت لسلفتي وقلت لها أنا آسفة على أي حاجة أنا غلطت كتير بصتلي بعيون مليانة دموع وقالت لي أنا عمرى ما شفتك عدوتي إحنا أهل وإنت أختي الكبيرة 
وقتها حسيت لأول مرة إن في أمل بدأت أقرب من جوزي مش بالكلام لكن بالاهتمام الحقيقي بقيت أساعده أتكلم معاه أشاركه تفاصيل يومه وبدأ هو كمان يلاحظ التغيير 
تعلمت إن الجمال مش بس في الشكل وإن الحب مش بنطلبه بالعافية وتعلمت إن الغيرة بتاكل القلب وبتخلي الإنسان يبعد عن طبيعته 
أنا النهاردة حامل وقلبي مرتاح وعلاقتي بجوزي بدأت تتحسن وسلفتي بقت أختي عن جد وبتدعمني كل يوم 
الخاتمة 
كانت رحلتي كلها درس طويل مش بس في العلاقات لكن في فهم النفس والناس والقدر أنا كنت فاكرة إن الدنيا منافسة وإن الحب بيتوزع على حسب الجهد أو الشكل أو الكلام المعسول لكن الحقيقة مختلفة تماما 
الناس مش دايما بتحب اللي بيخدمهم ومش دايما پتكره اللي بيقصر الناس بتحب اللي قلبه نضيف واللي نيته طيبة واللي بيحبهم من غير ما يستنا منهم مقابل أنا اكتشفت إن في وقت من الأوقات كنت ماشية ورا الغيرة وسايباها تسوقني لحد ما غرقتني في بحر مالوش آخر كنت فاكرة إني لو كسبت ووقعت غيري هحس بالراحة لكن العكس تماما ده خلاني أحس بالفراغ بالحزن بالوحدة 
وكل ده علشان إيه علشان كنت محتاجة حب كنت محتاجة كلمة حلوة لمسة حنية حضڼ يطمني إني مش لوحدي بس طلبت ده بالطريقة الغلط واللي أصعب من كده إني شفت في سلفتي عدوتي مش أختي شفت فيها ټهديد مش فرصة أتعلم منها